Ақтөбе облысында жыл басынан бері 11 мотоцикл апатқа ұшырап, 3 адам қаза болды

Ақтөбе облысында 10-20 шілде аралығында «Мотокөлік» жедел-профилактикалық іс-шарасы жүргізілуде. Басты мақсат – жол қозғалысы қауіпсіздігін арттыру, мотокөлік қатысқан жол-көлік оқиғаларының алдын алу және ереже бұзушылықтарды анықтау, деп хабарлайды Azattyq Rýhy.

5 күнде 450-ден астам мотокөлік тексерілді

Іс-шараның алғашқы бес күнінде:

• 450-ден астам мотокөлік тексерілді;
• 136 құқық бұзушылық тіркелді.

Нақты бұзушылықтар:

• 7 жүргізуші мотошлемсіз жүрген;
• 74 адам жүргізуші куәлігінсіз мотоцикл басқарған;
• 3 жүргізуші масаң күйде көлік тізгіндеген.

Мотоциклмен болған апаттар статистикасы алаңдатарлық

2025 жылдың басынан бері Ақтөбе облысында мотоциклдер қатысқан 11 жол-көлік оқиғасы тіркелді. Оның салдарынан:

• 3 адам көз жұмды;
• 8 адам жарақат алды.

Қауіпсіздік ережелерін сақтау бойынша түсіндіру жұмыстары жүргізілуде

Полиция қызметкерлері мотокөлік иелеріне кең ауқымды түсіндіру жұмыстарын жүргізіп жатыр:

• жол қозғалысы ережелерін сақтау;
• құжаттардың заңдылығын қамтамасыз ету;
• қауіпсіздік талаптарына бағыну.