Атырауда электр мотоциклі 9 жасар балаға құлап кетті: жүргізушісі жауапқа тартылды
Мотоцикл жүргізушісінің мас екені анықталды
Атырау қаласының орталығында орналасқан Исатай – Махамбет алаңында 13 шілде күні түнде 9 жасар балаға электр мотоциклі құлап, жарақат алды. Бұл туралы Azattyq Rýhy полиция департаментінің мәліметіне сілтеме жасап хабарлады.
Оқиға түнгі сағат 01:17 шамасында болған
1985 жылы туған азамат басқарған электрлі мотоцикл алаңда қозғалып келе жатып, 2016 жылы туған балаға құлаған. Бала Атырау облыстық балалар ауруханасына жеткізіліп, тексеруден өтті.
«Бала медициналық тексерістен өтті. Жағдайы – тұрақты», – делінген Атырау облыстық Полиция департаментінің ресми мәлімдемесінде.
Жүргізушіге әкімшілік жаза қолданылды
40 жастағы жүргізуші медициналық куәландырудан өткізілді. Нәтижесінде ол ҚР Әкімшілік құқық бұзушылық туралы кодексінің 440-бабы (алкоголь немесе есірткілік масаң күйде көлік құралын басқару) бойынша әкімшілік жауапкершілікке тартылды.
