Ақмола облысында былтыр 30-дан астам бопсалау қылмысы анықталды
Қазір аймақта қылмыстық топтарға қарсы күрес жұмысы жүріп жатыр
Ақмола облысында бопсалау фактілері 36%-ға азайып, 52 жағдайдан 33-ке дейін қысқарды, деп хабарлайды Azattyq Rýhy.
Қылмыстық топтарға қарсы жүйелі іс-қимыл
Облыс прокуратурасы маргиналды жастар мен ұйымдасқан қылмыстық топтардың әрекеттеріне тосқауыл қою мақсатында тұрақты және кешенді шаралар қабылдап келеді.
2023 жылғы сәуір айында өткен құқық қорғау органдарының үйлестіру кеңесінің отырысында мынандай шаралар нақтыланды:
- Қылмыстық топтардың әрекетіне қарсы күрес жолдары;
- Маргиналды жастарды құқықбұзушылықтан арылту;
- Тәртіп пен қоғамдық қауіпсіздікті күшейту.
19 тұлғаның әрекеті тоқтатылды
Прокуратураның үйлестіруімен құқық қорғау және арнаулы органдар қылмыстық ортада белсенді болған 19 азаматтың қызметін тоқтатты.
Нақты нәтиже: бопсалау 36%-ға азайды
Атқарылған жұмыстар нәтижесінде бопсалау деректері 36%-ға төмендеді:
- 2023 жылы – 52 факт;
- 2024 жылы – 33 факт.
Жұмыс жалғасуда
Облыс прокуратурасы мен күштік құрылымдар ұйымдасқан қылмысқа қарсы жастар арасындағы құқықбұзушылықты азайтуға бағытталған. Превентивті және нақты шараларды жалғастырып жатыр.
