Бірнеше облыста ауа райына байланысты ескерту жарияланды
15 маусым күні кей өңірлерде аптап ыстық болса, кей жерлерде қатты жел соғып, жаңбыр жауады
Қазақстанның алты өңірінде ауа райының қолайсыздығына байланысты ескерту жарияланды, деп хабарлайды Azattyq Rýhy тілшісі Қазгидрометке сілтеме жасап.
Нұр-Сұлтанда найзағай ойнап, солтүстік-шығыстан секундына 15-18 метр жылдамдықпен жел соғады.
Қостанай облысында күн күркіреп, секундына 18 метрге дейін жел соғады.
Қызылорда облысында күндіз кей жерлерде шаңды дауыл тұрады. Жел секундына 15-20 метрге дейін жетеді. Күндіз оңтүстікте 40 градусқа дейін ыстық болады. Шаңды дауыл мен желдің екпіні секундына 19 метрге дейін жетеді.
Ақтөбе облысында желдің екпіні секундына 15-20 метрге жетеді.
Маңғыстау облысында шаңды дауыл соғады. Күндіз өңірдің оңтүстігінде 42 градус ыстық болады.
Қарағанды облысында күн күркіреп, бұршақ жаууы мүмкін. Жел секундына 15-20 метр жылдамдықпен соғады.
