Оралда ер адам мас күйінде көлік жүргіземін деп темір тордан бір-ақ шықты

Орал қаласында патрульдік полиция батальонының қызметкерлері Skoda маркалы көлікті тоқтатып, мас жүргізушіні ұстады. Жүргізуші Жедел басқару орталығының бейнебақылау жүйесі арқылы анықталды, деп хабарлайды Azattyq Rýhy.

Алкогольдік мас күйі расталды

Тексеру барысында көлік жүргізушісінің орташа деңгейде алкоголь ішкені белгілі болды. Бұл дерек медициналық сараптама арқылы ресми түрде расталды.

Сот шешімімен жаза қолданылды

Сот қаулысымен:

• Жүргізуші 15 тәулікке әкімшілік қамауға алынды;
• 7 жылға көлік жүргізу құқығынан айырылды.

Полиция ескерту жасады

Ішкі істер органдары азаматтарға тағы да ескертеді:

Мас күйінде көлік басқару – жол қозғалысы қауіпсіздігіне үлкен қатер және заңмен қатаң жазаланады.