Алдағы үш күнде мегаполистерде ауа райы қандай болады

«Қазгидромет» мамандары 7–9 шілде аралығында Қазақстанның үш ірі қаласында – Астана, Алматы және Шымкентте күтілетін ауа райы болжамын ұсынды. Күннің ыстығы мен найзағайлы жаңбыр қатар жүретін күндер болмақ, деп хабарлайды Azattyq Rýhy. 

Астана: жауын-шашын мен жел басым болады

Синоптиктердің болжамынша, елордада алдағы күндері ауа райы құбылмалы болады.

• 7 шілде: түнде +15…+17 °C, күндіз +25…+27 °C. Күн күркіреп, жаңбыр жауып, бұршақ түсуі мүмкін. Желдің жылдамдығы – 20 м/с-қа дейін.
• 8 шілде: жауын-шашынсыз. Түнде +13…+15 °C, күндіз +23…+25 °C. Жел солтүстік-шығыстан, 9–14 м/с.
• 9 шілде: қайтадан жаңбыр мен найзағай күтіледі. Түнде +13…+15 °C, күндіз +22…+24 °C.

Алматы: аптап ыстық, бірақ найзағай да болады

Алматыда күн күрт ысиды. Тек үшінші күні ғана жауын-шашын ықтимал.

• 7 шілде: түнде +22…+24 °C, күндіз +31…+33 °C. Аспан бұлтты, бірақ жауынсыз.
• 8 шілде: күн қатты ысиды – +33…+35 °C.
• 9 шілде: түнде +22 °C, күндіз +33…+35 °C. Жаңбыр мен найзағай күтіледі. Жел – оңтүстік-батыстан, екпіні 12 м/с-қа дейін.

Шымкент: аптапты әрі құрғақ күндер

Оңтүстік мегаполисте ауа райы ыстық әрі құрғақ болады.

• 7–8 шілде: түнгі ауа температурасы +19…+24 °C, күндіз +35…+37 °C. Жаңбыр жаумайды.
• 9 шілде: жел екпіні 20 м/с-қа дейін күшейеді, бірақ күн райы өзгермейді – +37 °C шамасында.