Қазақстанның үш қаласында ауа сапасы нашарлайды – «Қазгидромет» ескерту жасады

Еліміздің үш қаласында 4 шілде күні атмосферада зиянды заттардың жиналуы күтілуде. Бұл жағдай тұрғындардың денсаулығына кері әсер етуі мүмкін, деп хабарлайды Azattyq Rýhy.

Ауада зиянды заттардың шоғырлануы күтілуде

«Қазгидромет» РМК мәліметінше, 2025 жылғы 4 шілдеде Шымкент, Алматы және Атырау (түнде) қалаларында атмосферада зиянды заттардың жиналу қаупі жоғары болады.

Ауа сапасының нашарлауына не себеп?

Мамандардың айтуынша, бұл құбылыс қолайсыз метеорологиялық жағдайлармен (ҚМЖ) байланысты. Мұндай кезде ауадағы зиянды қоспалар жерге жақын қабатта қалып қойып, таралмайды.

ҚМЖ деген не және ол неге қауіпті?

Қолайсыз метеорологиялық жағдайлар – бұл төмендегі ауа райы құбылыстары:

• Тымық ауа райы;
• әлсіз жел;
• тұман;
• температуралық инверсия (жылы ауа қабаты суық қабатты басып тұрады).

Осындай жағдайларда ауадағы зиянды заттар таралмай, жиналып қалады. Бұл – индустриялық аймақтарда немесе тығыз құрылысты жерлерде ауа сапасының уақытша нашарлауына алып келеді.