Балқашта тиімсіз тендерлердің жолы кесілді: 3 млрд теңге негізсіз жұмсалмақ болған

Балқаш қаласында мемлекеттік сатып алу саласында 1,2 миллиард теңгеден астам бюджет қаражаты тиімсіз жұмсалмақ болды, деп хабарлайды Azattyq Rýhy.

3 млрд теңгеден асатын 6 тендер тоқтатылды

2025 жылдың басынан бері прокуратураның бастамасымен жалпы сомасы 3 млрд теңгеден асатын алты мемлекеттік сатып алу рәсімі тоқтатылды.

Тексеру нәтижесінде мынадай заң бұзушылықтар анықталған:

• Сметалық құнның жасанды түрде асыра көрсетілуі;
• Тендерлік құжаттарға экономикалық негізі жоқ жұмыстарды қосу;
• Бюджет қаржысының тиімсіз жұмсалуы.

Үнемделген қаражат әлеуметтік мәселелерге жұмсалады

Прокуратураның араласуының арқасында үнемделген қаржы қаланың өзекті әлеуметтік мәселелерін шешуге бағытталатын болады.

Прокуратура жүйелі жұмысын жалғастырады

Балқаш қаласының прокуратурасы мемлекеттік сатып алулардағы заң бұзушылықтарды болдырмау және бюджет қаражатының ашық әрі мақсатты жұмсалуын қамтамасыз ету бойынша жүйелі жұмысын жалғастыратынын мәлімдеді.