30 маусымда Қазақстанның тек бір өңірінде жаңбыр жаумайды

30 маусым, дүйсенбі күні Қазақстан аумағында ауа райы тұрақсыз сипатқа ие болады, деп хабарлайды Azattyq Rýhy. 

«Қазгидромет» РМК таратқан мәліметке сәйкес, еліміздің солтүстігі, орталығы және шығысында нөсер жауын мен найзағай күтіледі. Жекелеген өңірлерде бұршақ жаууы ықтимал.

«Қазақстан аумағында циклон мен атмосфералық фронттардың ықпалымен жаңбыр жауады. Елдің солтүстігі, шығысы мен орталығында жауын-шашын мол болады», – делінген синоптиктер хабарламасында.

Тек оңтүстікте күн ашық болады

Синоптиктердің болжауынша, Қазақстанның оңтүстік өңірлерінде ғана жауын-шашынсыз ауа райы сақталады. Дегенмен, бұл аймақтарда құрғақ жел мен шаңды дауыл көтерілу қаупі бар.

Өрт қаупі жоғарылайды

30 маусым күні республиканың бірқатар өңірінде өрт қаупі жоғары болады.«Қазгидромет» бұл аймақтар бойынша алдын ала ескерту жариялады:

Жоғары өрт қаупі сақталатын өңірлер:

• Алматы облысының оңтүстігі мен шығысы
• Жамбыл облысының шығысы
• Атырау және Солтүстік Қазақстан облыстарының оңтүстігі
• Маңғыстау облысының солтүстік-батысы, оңтүстік-батысы және орталығы.

Төтенше өрт қаупі болжанған аймақтар:

• Жамбыл, Қызылорда, Түркістан облыстары
• Алматы облысының солтүстігі, батысы және орталығы
• Қарағанды облысының батысы, шығысы және оңтүстігі
• Ақтөбе облысының орталығы
• Қостанай облысының оңтүстік-батысы
• Жетісу облысының солтүстігі, орталығы және оңтүстік-шығысы
• Абай облысының оңтүстігі.

Ауа райы туралы деректі қайдан білуге болады?

• «Қазгидромет» ресми сайтынан және мобильді қосымшасынан
•  «Дәрмен» мобильді қосымшасынан
• Төтенше жағдайлар министрлігінің ресми Telegram арналары мен SMS-хабарламаларынан.