Шымкентте автобуста тұрған әйел адамның шашын жұлып кетті

Шымкентте №21 бағытындағы автобуста жолаушылар арасында жанжал туындады – оқиға видеоға түсіп қалды, деп хабарлайды Azattyq Rýhy

Шымкентте №21 бағытындағы қоғамдық көлікте жолаушылар арасында тағы да дау шығып, жанжал төбелеске ұласты.

Кикілжің ушығып, жанжалға айналды

Оқиға туралы ақпарат Telegram желісіндегі «KöpSöz» арнасында жарияланды. Куәгерлердің айтуынша, автобустағы адамдардың көптігінен болған ыңғайсыздық салдарынан бір әйел екіншісін абайсызда итеріп жіберген. Бұл әрекет екінші тараптың ашуын туғызып, сөзге келіспеушілік төбелеске ұласқан.

Оқиға видеоға түсіп қалды

Оқиға куәгерлері болған жолаушылар оны видеоға түсіріп алған. Жарияланған кадрларда екі әйелдің бір-біріне айғайлап жатқаны анық көрінеді. Басқа жолаушылар оларды сабырға шақыруға тырысқанымен, еш нәтиже шықпаған. Тіпті жанжал кезінде әйелдердің бірі екіншісінің шашын жұлып жатыр.

Жанжалдан кейін полицияға жүгінді

Жанжалдан кейін екі тарап та полицияға шағым түсірген. Шымкент қалалық полиция департаментінің хабарлауынша, аталған факті бойынша қылмыстық іс қозғалды.

«Қазіргі уақытта оқиғаның мән-жайын анықтау үшін кешенді тергеу амалдары жүргізілуде. Тергеу нәтижесі бойынша процессуалдық шешім қабылданатын болады», – делінген ПД хабарламасында.