Қайғылы оқиға 24 мамыр күні кешке болған
Атырау облысы Құлсары қаласында болған автогаз құю стансасындағы жарылыстан кейінгі жаңа мәліметтер белгілі болды. Қайғылы оқиға 24 мамыр күні кешке болған еді, деп хабарлайды Azattyq Rýhy.
Атырау облысы Төтенше жағдайлар департаменті бастығының міндетін атқарушы Назарәлі Селимовтің айтуынша, екі адам қаза тауып, 14 тұрғын әртүрлі жарақат алған. Олардың төртеуі — бала.
«Ауыр жағдайда жатқан науқастар жоқ. Барлық зардап шеккен адамға медициналық көмек көрсетіліп жатыр»,– делінген облыстық Денсаулық сақтау басқармасының мәліметінде.
Жарылыс салдарынан жақын маңдағы 6 көлік өртеніп, 4 тұрғын үйге зақым келген. Оның ішінде 3 бірқабатты, 1 екіқабатты үй бар.
Атырау облыстық Полиция департаментінің хабарлауынша:
Жарылыстың нақты себебі әзірге белгісіз.
Атырау облысының әкімі Серік Шәпкенов жедел штаб отырысын өткізіп, мынадай тапсырма берді: өрттің салдарын жою; халық қауіпсіздігін қамтамасыз ету; көмек көрсету тетіктерін іске қосу.
Құлсары – Атырау облысындағы ірі мұнай-газ аймағы. Мұнда көптеген өндірістік және жанармай құю нысаны шоғырланған. Апат болған автогаз стансасы – қаланың орталық көшесіне жақын орналасқан. Жарылыс кеше жанар-жағар май бекетінде болды. Облыстық Полиция департаментінің мәліметінше, жанармай бекетінде болған жарылысқа қатысты аудандық полиция бөлімі қылмыстық іс қозғап, кешенді тергеу амалдарын бастады. Өрт салдарынан зардап шеккен 14 адам Жылыой аудандық орталық ауруханасының қабылдау бөліміне шұғыл жеткізілді.