Астанада трансұлттық есірткі тобы ұсталды: 100 кг мефедрон тәркіленді

ҚР Ішкі істер министрлігі Астанада трансұлттық есірткі тобының әрекеті әшкереленгенін мәлімдеді, деп хабарлайды Azattyq Rýhy.

Мәліметті ҚР ІІМ Есірткі қылмысына қарсы іс-қимыл комитеті төрағасының міндетін атқарушы Данияр Мейрхан жариялады:

«Астанада синтетикалық есірткілердің заңсыз айналымымен айналысқан трансұлттық қылмыстық топтың қызметі жойылды. Арнайы операция барысында шетел азаматтары ұсталып, 100 кг-дан астам мефедрон тәркіленді», — деді ол.

6 миллион долларлық есірткі тәркіленді

Тәркіленген мефедронның қара нарықтағы құны шамамен 6 миллион АҚШ долларын құрайды. Бұл көлем – 300 мыңнан астам бір реттік доза.

Күдіктілер уақытша ұстау изоляторына қамалды

Барлық күдікті ұсталып, уақытша ұстау изоляторына қамалған. Қазіргі уақытта тергеу амалдары жүргізіліп жатыр.