Сәтбаевта үш жасөспірімді қағып кеткен мас жүргізуші небәрі 20 тәулікке қамалды

Сәтбаевта үш жасөспірімді қағып кеткен мас жүргізуші небәрі 20 тәулікке қамалғаны белгілі болды, деп хабарлайды Azattyq Rýhy.

Оқиға 25.05.2025 жылы сағат 20:10 шамасында Сәтбаев қаласындағы Абай көшесінің бойында болған. Мас жүргізуші жол көлік оқиғасын жасап, үш бірдей жасөспірімге дене жарақаты мен материалдық шығын келтіргендігі анықталды.

«Іс материалдарын зерделеп, сот құқық бұзушыны Әкімшілік құқық бұзушылық туралы Қазақстан Республикасының Кодексінің 608 бабының 3-бөлігінде көзделген құқық бұзушылық жасағаны үшін кінәлі деп танып, 20 тәулікке әкімшілік қамаққа алу, 7 жыл мерзімге көлік құралын басқару құқығынан айыру жазасын тағайындады.

Қаулы заңды күшіне енген жоқ», - делінген облыстық сот хабарламасында.