Қарағанды облысында коронавирус белгілерімен 18 адам тіркелді
Облыста коронавирус инфекциясын жұқтырған 1147 адам анықталған
Қарағанды облысында коронавирус инфекциясының ауру белгілерімен 18 адам тіркелді. Бұл туралы COVID-19 таралуына жол бермеу жөніндегі ведомствоаралық комиссия мәлім етті.
ПТР диагностикалық зерттеу нәтижелері бойынша 18 адамда COVID-19 вирусы анықталды, тіркелген жағдайлар скрининг барысында және ауырға адамдармен жақын байланыста болғандарды тексеру нәтижесінде анықталды.
«Қарағанды қаласында – 1 адам, Теміртау қаласында – 12, Саран қаласында – 3, Абай ауданында – 2 адам анықталды. Барлығы жұқпалы аурулар стационарына жатқызылды. Қазіргі уақытта науқастардың жағдайы қанағаттанарлық, ем алып жатыр», - делінген хабарламада.
Ауру ошақтарында дезинфекция жүргізілді.
Облыста коронавирус инфекциясымен жалпы 1147 адам анықталған, олардың ішінде 6 адам қайтыс болған және 461 пациент жазылып шыққан.
