Алматыда есірткі жарнамасын таратып жүрген күдікті ұсталды

Алматыда қабырғаларға есірткі сататын сайттардың жарнамасын жазып жүрген ер адам ұсталды, деп хабарлайды Azattyq Rýhy.

Жеке тінту кезінде одан бояулар мен ұялы телефон тәркіленді.

Осыған қатысты қылмыстық іс қозғалды. Күдікті уақытша ұстау изоляторына қамалды. Қазіргі уақытта сотқа дейінгі тергеу амалдары жүргізілуде.

«Полиция, есірткі заттарды, оның ішінде граффити түрінде насихаттауға және жарнамалауға қатысу қылмыстық жауапкершілікке және бас бостандығынан айыру түріндегі жазаға тартылатынын еске салады», - деді Алматы қалалық ПД есірткі қылмысына қарсы күрес басқармасының бастығы Мұрат Жұмабаев.