Теңіз кен орнында 4,2 магнитудалы жер сілкінісі болды

Атырау облысындағы Теңіз кен орнында жер сілкінісі тіркелді, деп хабарлайды Azattyq Rýhy «Ақ Жайық» басылымына сілтеме жасап.

Сейсмологиялық мәліметке сәйкес, зілзаланың магнитудасы 4,2-ні құраған. Жерасты дүмпуі 11 мамыр күні сағат 11:44 шамасында тіркелген. АҚШ Геологиялық қызметінің (USGS) және оқиға орнындағы мамандардың деректеріне сүйенсек, жер сілкінісінің эпицентрі 46°09’36’’ солтүстік ендік пен 53°21’00’’ шығыс бойлықта орналасқан. Жер сілкінісінің ошағы шамамен 10 шақырым тереңдікте болған.

Куәгерлердің айтуынша, жер сілкінісі шамамен бес секундқа созылған. Қазіргі таңда табиғи құбылыстың салдары мен ықтимал зардаптары анықталуда.