Ақтаудың бір бөлігі ауыз сусыз қалды

11 мамыр күні Ақтау қаласының бірнеше шағынауданында ауыз су беру уақытша тоқтатылды. Бұл туралы lada.kz басылымы жазды, деп хабарлайды Azattyq Rýhy. 

«Каспий жылу, су арнасы» мемлекеттік кәсіпорнының мәліметінше, 22-шағынауданда су құбыры жарылып, салдарынан бірнеше тұрғын үй мен нысандар сусыз қалды. Қазір апат орнына жөндеу бригадасы жіберілген.

Ауыз су толықтай тоқтаған мекендер қатарына мыналар кіреді:

• 22-шағынаудан;
• 6А шағынауданындағы «Kuat» моншасы;
•  21-шағынаудағы караоке-бар «Эдем», кафе, автомойка «Куан»;
•  «Kazfruit» кәсіпорны;
• Жол-құрылыс компаниясы ИП Гатин;
• «QazaqGaz Aimaq»;
• КНС-5 кәріз насос станциясы;
• Маңғыстау энергетикалық колледжі мен политехникалық колледжі;
• Әділет департаменті;
• АО «Каскор-Транссервис»;
•  3Б шағынауданындағы Ақтау әлеуметтік бейімдеу орталығы.

Кәсіпорын өкілдері ауыз судың берілуі шамамен 11 мамыр кешкі сағат 20:00-де қайта қалпына келтірілетінін мәлімдеді. Жөндеу жұмыстары аяқталған соң су беру біртіндеп қалпына келтірілмек.