Ақтауда мейрамхана жанында жаппай төбелес болды

Әлеуметтік желіде Ақтауда жол бойындағы төбелестің видеосы жарияланды. Оқиға Ақтауда 9 мамырға қараған түні болды, деп хабарлайды Azattyq Rýhy агенттігі Lada.kz сайтына сілтеме жасап.

Куәгер түсірген кадрда облыс орталығындағы 5-шағын ауданда орналасқан «Пинта» мейрамханасына қарама-қарсы жол бойында он шақты жігіттің төбелесіп жатқанын көруге болады.

Оқиға жолда көлік кептелісін тудырды. Видеода оқиға орнына полицияның жеткені де көрінеді. Төбелескендер ұсталды.

«Аталған факті бойынша қылмыстық іс қозғалды. Күдіктілер қамауға алынды. Оқиғаның мән-жайы анықталуда. Сотқа дейінгі тергеу амалдары жүргізіліп жатыр», - делінген хабарламада.