3 мамыр күні Астанада ауа қатты ластанады

Астанада 3 мамыр күні қолайсыз метеожағдайлар салдарынан ауа сапасы нашарлауы мүмкін, деп хабарлайды Azattyq Rýhy «Қазгидромет» РМК деректеріне сілтеме жасап.

Синоптиктердің болжамына сәйкес, түнгі уақытта елордада атмосфералық ауаның ластануына әкелетін қолайсыз метеорологиялық жағдайлар қалыптасады.

Мұндай жағдайлар – желсіздік, әлсіз жел, тұман және инверсия тәрізді қысқа мерзімді табиғи құбылыстардың үйлесімі нәтижесінде пайда болады. Олар зиянды заттардың ауада шоғырлануына ықпал етіп, тұрғындар денсаулығына кері әсер етуі мүмкін.

Мамандар тұрғындарға сыртқа шыққанда сақ болуға және қажет жағдайда қорғаныш құралдарын қолдануға кеңес береді.