Бурабайдағы қонақ үйлер Балиден де қымбат болып шықты (ВИДЕО)

Желі қолданушысы Бурабай мен Индонезияның Бали аралындағы қонақ үйлердің құнын салыстырып көрді, деп хабарлайды Azattyq Rýhy.

Видеода 7 түнге қонақ үй бөлмелері 100-300 доллар аралығында. Фотоға назар аударсақ, тазалығы, сапасы көрініп тұрады.

Ал Бурабай жеріндегі апартаменттердің құны қандай? 7 түнге 1222 доллар, 719 доллар, 671 доллар, 359 доллар, 500 доллар.

«Неліктен Қазақстанда өмір сүріп, басқа елге барып қыдырып келу арзанырақ шығады? Осындай қымбатшылықтан кейін қазақстандықтардың көбі Қазақстанды толық аралап көрген жоқ.

Түркияны мысал етсек, ол жақта өз азаматтарына арзан баға ұсынылады», - деп жазды желі қолданушысы.