СҚО-да су тасқынымен күрес: Қызылжар ауданына бірнеше шақырым қорғаныс орнатылды

СҚО-да су тасқынымен күрес жұмысы күндіз-түні жүріп жатыр. Құтқарушылар Қызылжар ауданына қарасты Ольшанка ауылында бірнеше шақырым қорғаныс білігін орнатты, деп хабарлайды Azattyq Rýhy.

СҚО-да бөгеттер мен біліктерді нығайту жалғасып жатыр.

СҚО Қызылжар ауданы Ольшанка ауылында су тасқынына қарсы іс-шаралар жалғасуда:

• ұзындығы 300 метр су құятын бөгет орнатылды;
• ұзындығы 2,7 км жаңа қорғаныс білігі тұрғызылды;
• қолданыстағы білік 800 м нығайтылды;
• 5 мың қап төселді.

«Жұмыстарға ҚР ТЖМ, СҚО ТЖД, Ақмола және Қостанай облыстарының 105 адамы мен 19 техникасы, СҚО ЖАО мен ҚАЖД жұмылдырылды.

Іс-шаралар халықты су тасқынынан қорғау үшін тәулік бойы жүргізіледі», - делінген ҚР ТЖМ хабарламасында.