Павлодарда қосалқы станцияға найзағай түсіп, бүтін бір көше жарықсыз қалды (ВИДЕО)

Павлодарда 27 сәуір күні сағат 20:00-ге таман «Транспортная» қосалқы станциясына найзағай түсіп, «Западная городская» қосалқы станциясында өрттің шығуына себеп болды. Салдарынан электр қуаты өшірілді, деп хабарлайды Azattyq Rýhy.

Қала әкімі Хасар Хабылбековтың айтуынша, Лесозавод ауданында және Астана, Лермонтов, Бектұров көшелерінің шекараларында электрмен жабдықтау болмаған.

«Жедел тәртіпте қажетті шаралар қабылданды. Қазіргі уақытта барлық тұрғын үйде электрмен жабдықтау қалпына келтірілді», - деді Павлодар әкімі.

Айта кетерлігі, электр қуатын қалпына келтіру шаралары қабылданып жатқан өнеркәсіптік аймақтағы кәсіпорындардың бір бөлігі кернеусіз қалады.