Астанада Министрліктер үйі жанында көлік қағып кеткен ер адамның жағдайы белгілі болды

Бүгін таңертең Астанадағы Министрліктер үйінің жанында көлік қағып кеткен ер адамның жағдайы белгілі болды, деп хабарлайды Azattyq Rýhy.

Жол-көлік оқиғасы Достық көшесінде болды. Ер адам Министрліктер үйінің жанында белгіленбеген тұстан жолды кесіп өтемін деп көліктің астына түсті.

Ол №2 қалалық ауруханаға жеткізілді. Дәрігерлер оның миы шайқалғанын айтты.

«Қабылдау бөлімі деңгейінде бейінді мамандар қарады. Дәрігерлер алғашқы медициналық көмек көрсетіп, жеңіл ми шайқалу диагнозын қойды. Ауыр жағдайдың болмауына байланысты науқас үйіне жіберілді, амбулаториялық деңгейде дәрігерлерге бару үшін ұсыныстар берілді», - деп хабарлады елордалық Денсаулық сақтау басқармасы.