Павлодар облысында мал жаю ережесін бұзған жүздеген адам жауапқа тартылды
Полицейлер мал иелерін анықтады
Павлодар облысында полиция мал жаю ережесін бұзған жүздеген адамды жауапқа тартты, деп хабарлайды Azattyq Rýhy.
Полиция қызметкерлері автокөліктің малға соқтығысуын болдырмау үшін жолға үй жануарларын жаю жағдайларын болдырмау жөніндегі кездесулерде халықпен тұрақты негізде профилактикалық әңгімелер өткізеді. Алайда, өкінішке қарай, мал иелері өздерінің тікелей міндеттерін орындамайды.
«Мысалы, полицияға Бірлік ауылының маңындағы «Қалқаман-Керней» автожолында жылқылар жайылып жүргенін хабарлаған ер адам қоңырау шалды. Қызылорда-Павлодар автожолында жүргізушілерден мал жайылып жүргені туралы осындай қоңырау түсті.
Полицейлер мал иелерін анықтады, оларға қатысты әкімшілік материал толтырылды, айыппұл салынды.
Айта кетейік, осы жылдың басынан бастап Павлодар полицейлері ауыл шаруашылығы жануарларын жаю ережелерін бұзғаны үшін 274 мал иесін жауапқа тартты», - деп хабарлады Павлодар облысының Полиция департаменті.
