Қасым-Жомарт Тоқаев жеті мемлекеттің елшісінен сенім грамоталарын қабылдады

Мемлекет басшысы дипломаттарды Қазақстандағы миссияларының басталуымен құттықтады

Фото: Ақорда

«Ақорда» резиденциясында жеті мемлекеттің төтенше және өкілетті елшілерінің Қазақстан президентіне сенім грамоталарын табыстау рәсімі өтті, деп хабарлайды Azattyq Rýhy.

Сенім грамоталарын тапсырған елдер:

Беларусь Республикасының елшісі Алексей Богданов,
Таиланд Корольдігінің елшісі Пияпин Нийомреркс,
Молдова Республикасының елшісі Штефан Горда,
Мьянма Одағы Республикасының елшісі Тит Линн Оун,
Кения Республикасының елшісі Питер Мутуку Матуки,
Албания Республикасының елшісі Блерта Кадзадеш,
Италия Республикасының елшісі Антонелло де Риу.

Мемлекет басшысы дипломаттарды Қазақстандағы миссияларының басталуымен құттықтап, еліміздің өзара мүддеге негізделген ынтымақтастықты дамытуға жан-жақты қолдау көрсететінін жеткізді.

Қасым-Жомарт Тоқаев Қазақстанның бейбіт әрі көпвекторлы сыртқы саясат ұстанатынын айтты. Президенттің айтуынша, халықаралық қатынастарда диалог пен ықпалдастық қағидаттары басшылыққа алынуға тиіс және БҰҰ Жарғысын қатаң сақтау айрықша маңызды.

Мақалада

#Қасым-Жомарт Тоқаев #ақорда #сенім грамотасы

Алдыңғы жаңалық

«Кішкентай Бишімбаев» деп буллинг жасады: Астана тұрғыны Жеңіс Қасымбекке балабақшада болған сұмдық оқиғаны баяндап берді