«Қыздың көз жасы жібермейді»: блогер әжей жігіттер қауымына ақыл айтты (ВИДЕО)

Блогер әжей Зылиқа Нұрбек қыз баланы құрметтеу жөнінде жігіттер қауымына ақыл айтты, деп хабарлайды Azattyq Rýhy.

Instagram желісіне жариялаған видеосында данакөз қария қыз баланы қазақ Қыдыр деп құрметтегенін еске салып өтті.

«Қызды жылатқан адамның екі дүниеде де жолы болмайды. Қыздар – Қыдыр. Қызды Қыдыр дейтін, баяғыда әке-шешеміз. Қызы бар үйдің Қыдыры бар деп. Қазір Қыдыр емес, қыздарды трәпкі қылады ғой.

Қапа қылма қыздарды. Өкпелетпе! Оның көз жасы еш жаққа жібермейді. Қызды жылатқан адам – жылап қалады!» - дейді әжей.

Айта кетейік, осыған дейін сүйіктісін соққыға жыққан танымал актер Шәріп Серік қамауға алынғаны хабарланған болатын.