Назым Қызайбай тұрмысқа шыққан соң бокстан кете ме

Үш дүркін әлем чемпионы, Олимпиада ойындарының қола жүлдегері Назым Қызайбай тұрмысқа шыққаннан кейінгі карьерасы жайлы ой бөлісті, деп хабарлайды Azattyq Rýhy.

Бұрымды боксшының айтуынша, тұрмысқа шыққаннан кейін бокспен айналысу әйел адам үшін оңайға соқпайды.

«Өзімнің ойым, тұрмысқа шыққаннан кейін боксқа қайтып оралмау керек. Себебі, өте қиын. Бізде құрамада балалы-шағалы қыздар бар. Үнемі оқу-жаттығу жиынында. Мысалы, балаңның өскенін көрмейсің. Балаға ең бірінші тәрбиені анасы береді. Сол себепті өз басым оған қарсымын», - дейді Назым Қызайбай.

Айта кетейік, осыған дейін үш дүркін әлем чемпионы осыған дейін президент Қасым-Жомарт Тоқаевтың жанында сөйлеуге дәті бармағанын айтқан болатын.