«Семей орманындағы» алапат өрт сөнді

Абай облысындағы Семей орманында болған алапат орман өрті толығымен сөндірілді, деп хабарлайды Azattyq Rýhy.

Өрт сөндіру бойынша барлық жұмыс 17:10-да аяқталды.

ҚР Экология және табиғи ресурстар министрлігі Орман шаруашылығы және жануарлар дүниесі комитетінің мәліметінше, тілсіз жауды сөндіруге 419 адам мен 140 техника жұмылдырылды. Олар:

• Экология және табиғи ресурстар министрлігінен 143 қызметкер мен 65 бірлік техника;
• Қорғаныс министрлігінен 35 адам мен 16 бірлік техника;
• Төтенше жағдайлар министрлігінен 227 адам мен 55 бірлік техника;
• Ішкі істер министрлігінің 14 қызметкері және 4 бірлік техника.

«Өрттің таралуына жол бермеу бойынша барлық жұмыс аяқталды», - делінген хабарламада.

Айта кетейік, осыған дейін Абай облысының Бесқарағай ауданындағы «Семей орманында» тағы да алапат өрт шыққаны хабарланған болатын.