Макинск қаласын тасқын су басып қалды

Макинск қаласын көктемгі еріген қар суынан пайда болған тасқын басып қалды, деп хабарлайды Azattyq Rýhy.

ТЖМ құтқарушылары су басуды жоюда, қазір суды сору жұмысы жүріп жатыр.

«Авариялық-құтқару іс-шараларын жүргізу үшін құрамында 130 адамнан тұратын төрт топ, 13 бірлік техника, 12 мотопомпалар және Ақмола облысы және Астана қаласы ТЖ департаменттерінен жылжымалы сорғы станциясы тартылды.

Құтқарушылар су басқан аумақтардан суды соруға кірісті. Жұмыстар тәулік бойы жүргізіледі», - делінген құтқарушылар хабарламасында.