Ақтөбеде трансформаторлар ұрлап жүрген күдікті ұсталды
Жалпы шығын шамамен 3 миллион теңгені құрады
Ақтөбеде құны қымбат трансформаторларды ұрлап жүрген күдікті қолға түсті, деп хабарлайды Azattyq Rýhy.
Жедел іс-шараларды өткізу барысында полиция қызметкерлері үш трансформаторды ұрлады деген күдіктіні ұстады.
«Тергеу барысында күдікті наурыз айының соңында манипулятор жалдап, үш электр трансформаторын ұрлағаны анықталды. Бір жағдайда ер адам Алға қаласының маңында ұрлық жасаған. Қалған екі жағдайда ол трансформаторларды облыс орталығында салынып жатқан кемпинг пен электр қосалқы станциясының құрылыс алаңынан ұрлаған. Қылмыстан келтірілген жалпы шығын шамамен 3 миллион теңгені құрады», - делінген облыстық Полиция департаментінің хабарламасында.
Ұрланған трансформаторларды күдікті сатпақ болған.
Ұрлық фактісі бойынша сотқа дейінгі тергеп-тексеру жүргізілуде.
