Динара Сәтжанның фамилиясы енді Жанықұлова бола ма: тележүргізуші тегін ауыстыратынын айтты

Тележүргізуші Динара Сәтжан тұрмысқа шыққаннан кейін фамилиясын өзгертетінін мәлім етті, деп хабарлайды Azattyq Rýhy.

Бұл туралы ол Әсел Әуелбекованың YouTube каналына берген сұхбатында айтты.

Жуырда тележүргізуші ресми түрде бизнесмен Жұмабек Жанықұловқа тұрмысқа шықты. Неке қиярдан бір апта бұрын түсірілген интервьюде ол өзінің тегін ауыстыратынын айтқан болатын.

«Бұл шешімді Жұмабекпен кездесерге дейін-ақ қабылдап қойғанмын. Ұзақ уақыт жалғыз болдым. «Неліктен жалғызбын?» деп ойланатынмын. Негізгі назарым Динара Сәтжан брендін дамытуға бөлінген сияқты. Бірде анама отырып, былай дегенім де бар: «Мам, білесің бе, тұрмысқа шыққаннан кейін фамилиямды ауыстырамын». Меніңше Сәтжановтарға еңбегім сіңіп, бәрін жасаған сияқтымын. Әрбір әулетте осындай жүкті көтеріп жүретін біреу болады дейді ғой. Мен осы эстафетаны өткізіп беруге дайынмын. Осы туды алып, ары қарай желбіретсін дегім келеді. Ал мен тұрмысқа шығып, тегімді ауыстырамын да сол әулетке сіңіп, ары қарай атын шығарамын», - деп Динара Сәтжан шешімін түсіндірді.

Ол өз сөзінде өзінің жеке отбасын құру үшін өзінің әулетінен кетуі керек деген ойын жасырған жоқ.

«Өмір тек карьерадан тұрмайды. Енді күйеуіме еңбек етіп, оның брендіне жұмыс істеуге дайынмын», - деді Динара Сәтжан.

Жуырда әлеуметтік желідегі аты-жөнін өзгертуді жоспарлап отырған жоқ. Айтуынша өзін іздегендерге ыңғайлы болуы үшін өзгеріссіз қалдырады. Алайда уақыт өте келе оны да өзгертуге дайын.