Ақмола облысында мал ұрлауды «кәсібіне» айналдырған 4 адам ұсталды

Ақмола облысында полицейлер мал жаю саласындағы 686 бұзушылық және жануарлар мен ет өнімдерін заңсыз тасымалдаудың 314 фактісін анықталды, деп хабарлайды Azattyq Rýhy.

Сонымен қатар, осы жылдың үш айында жедел-іздестіру іс-шараларының нәтижесінде мал ұрлығын жасады деген күдікпен 4 адам ұсталды, сондай-ақ бір қылмыстық топтың қызметі анықталып, жолы кесілді.

«Қабылданған шаралардың арқасында мал иелеріне ұрланған ауыл шаруашылығы жануарларының 39 басы қайтарылды, ал ауыл тұрғындарына 24,46 млн теңге сомасына материалдық залал өтелді», - делінген облыстық Полиция департаментінің хабарламасында.