Тележүргізуші Динара Сәтжан мен кәсіпкер Жұмабек Жанықұлов некелерін Нұрлан имамға қидырды

Танымал тележүргізуші Динара Сәтжан әлеуметтік желідегі парақшасында жеке өміріне қатысты қуанышты жаңалығын жариялады, деп хабарлайды Azattyq Rýhy.

Тележүргізуші Instagram stories бөлімінде неке қию куәлігінің суретін жариялады. Жазбада ол ақ көйлек киген және фондық әуен ретінде Ерке Есмаханның «Еркелей беремін» әнін қолданған. Екі жастың некесін Нұрлан имам қиған.

Олар дүркіретіп той жасамаса да, жақындарының арасында бұл ерекше күнді атап өткен. Тележүргізушінің Аида Қауменова және Баян Алагөзова сынды достары қуанышына ортақтасқан.

Белгілі болғандай, Динара Сәтжан кәсіпкер Жұмабек Жанықұловпен отбасын құрып, Наурыз мейрамын Сарыағашта қарсы алған.