Қазақстанда интернет құны жылдан жылға төмендеп келеді – Цифрлық даму министрлігі

Цифрлық даму, инновациялар және аэроғарыш өнеркәсібі министрлігі Телекоммуникация комитетінің төрағасы Дамир Сейсембеков Қазақстанда интернет-трафикті тұтынудың бір гигабайт құны жылдан жылға төмендеп келе жатқанын мәлімдеді, деп хабарлайды Azattyq Rýhy.

Ведомство басшысының айтуынша Қазақстанда әлемдік орташа статистикамен салыстырсақ, трафикті тұтыну дүние жүзі бойынша орташа көрсеткіштен 160%-ға артық.

«Біздің қалалар тек алаңда ғана емес, тығыздықта да өсуде. Тиісінше, егер бір базалық станция, мысалы, екі жыл бұрын қала орталығында мың абонентке қызмет көрсетсе, бүгінде ол екі мың абонентке қызмет көрсете алады. Сондай-ақ, маңызды фактор – бұл трафиктің өсуі. Өздеріңіз білетіндей, Қазақстанда әлемдік орташа статистикамен салыстырсақ, трафикті тұтыну дүние жүзі бойынша орташа көрсеткіштен 160%-ға артық.

Былайша айтқанда, цифрлық қызметтерді дамытудағы, контентті тұтынудағы орындар сапаға да әсер етеді, өйткені біз контенттің соңынан ілесуіміз керек. Сол сияқты баға саясаты тұрғысынан алсақ, бір гигабайт тұтыну құны өспейді, ал кей жағдайларда ол тіпті төмендеп жатады. Бұл тарифтерді көтеру мәселесіне қатысты. Мобильді интернетте де, тіркелген интернетте де бір гигабайттың құны жылдан жылға төмендеп келеді», - деді Дамир Сейсембеков сейсенбі күні Қазақстан Республикасы үкіметінде өткен баспасөз мәслихатында.