Баян Алагөзова қазақстандықтарды баураған башқұрт әніне тәнті болды (ВИДЕО)
Бұл ән әлеуметтік желілерде кең тарап жатыр
Қазақстандық әлеуметтік желілерде Ay Yola башқұрт музыкалық тобының Homay атты әні кеңінен танымал бола бастады, деп хабарлайды Azattyq Rýhy.
Музыкалық ұжым халық әндерін заманауи өңдеуде эксперименталды тәсілмен орындауымен ерекшеленеді. Олар этникалық әуендерді электронды және альтернативті аранжировкалармен үйлестіріп, тыңдарманға ерекше дыбыстық атмосфера сыйлайды.
Көптеген қазақстандық тыңдарман Homay әнінің әуезділігіне, әсерлі ырғағына және ерекше стиліне тәнті болып, әлеуметтік желілерде белсенді түрде бөлісуде. Продюсер Баян Алагөзова да бұл әнге өз таңданысын білдірді.
«Бұл нағыз атмосфералық музыка! Тілді білмесең де, оның тереңдігін сезінуге болады», — деп жазды ол.
Башқұрт музыкасының заманауи бағыттағы бұл жаңалығы Қазақстанда ғана емес, өзге елдерде де танымал бола бастағанын атап өткен жөн.
