Еліміздің үш облысында су тасқынына байланысты тасжолдар жабылды

Қазақстанның үш облысында су тасқынына байланысты тасжолдар жабылып, көлік қозғалысына шектеу қойылды, деп хабарлайды Azattyq Rýhy.

«ҚазАвтоЖол» жолдардағы жағдай туралы мәлімет жариялады.

Ақтөбе облысы:

• «Қандыағаш - Ембі- Шалқар - Ырғыз» автожолының 3-92 шақырым аралығы (Қандыағаш қаласы - Ембі қаласы).

Қостанай облысы:

• Қазақстан мен Ресей арасындағы бейтарап территориядағы Мариновка ауылына жақын аймақта (РФ шекарасы).

Солтүстік Қазақстан облысы:

• «Петропавл қаласының айналма жолы» автожолының 4-7 шақырымы аралығында (Қожаберген жырау айналма жолынан Есіл өзені арқылы өтетін көпірге дейін).

«Қазіргі таңда республикалық жолдарды күтіп-ұстауға 104 арнайы техника мен 199 маман жұмылдырылды», - делінген «ҚазАвтоЖол» хабарламасында.

Айта кетейік, осыған дейін Солтүстік Қазақстандағы Қазан ауылының жолын су шайып кеткені хабарланған болатын.