Ақтөбе облысында Жем өзені арқылы өтетін көпірдің маңайын су басып қалды (ВИДЕО)

Ақтөбе облысындағы Жем өзені арқылы өтетін көпірдің маңын 18 наурыз күні таңертең су басып қалды, деп хабарлайды Azattyq Rýhy .

«ҚазАвтоЖол» АҚ мәліметінше, Қандыағаш – Ембі – Шалқар – Ырғыз тас жолының 92-ші шақырымында Жем өзені арқылы өтетін көпір аймағындағы айналма жолда су тасқыны тіркелді.

Мұндағы су деңгейі 50 см-ге жетіп, су басқан жолдың ұзындығы 100 метрді құрады.

«Су деңгейінің көтерілуіне байланысты көпір арқылы барлық көліктердің қозғалысына шектеу қойылды. Жаяу жүргіншілер үшін қозғалыс ашық», - делінген хабарламада.

Оқиға орнында жол қызметкерлері жұмыс істеп жатыр.