Қазақстанның жеті облысында жолдар жабылды

Ауа райының қолайсыздығына байланысты жеті облыста республикалық маңызы бар автожолдар жабылды, деп хабарлайды Azattyq Rýhy «ҚазАвтоЖол» ұлттық компаниясына сілтеме жасап.

Жол қозғалысына шектеу енгізілген өңірлер:

• Абай облысы: Таскескен – Бақты – ҚХР шекарасы тасжолы (75-187 км, Үржар – ҚХР шекарасы).
• Ақмола облысы: бірнеше бағыттағы жолдар жабық, оның ішінде Астана – Петропавл, Астана – Атбасар және Жезқазған – Арқалық – Петропавл автожолдарының кей учаскелері.
• Алматы облысы: «Алма-Тау» демалыс базасына апаратын жол (0-15 км, Түзбастау – Бесқайнар).
• Қостанай облысы: Жезқазған – Арқалық – Петропавл тасжолында бірнеше учаске жабық.
•  Солтүстік Қазақстан облысы: Жезқазған – Арқалық – Петропавл тасжолы (595-671 км, Ақмола облысы шекарасы – Тоқсан би ауылы).
• Ұлытау облысы: Жезқазған – Арқалық – Петропавл тасжолы (137-252 км, Ұлытау – Қостанай облысы шекарасы).
• Қарағанды облысы: Астана – Қарағанды – Алматы автожолында (1353-1426 км, Ақмола облысы шекарасы – Теміртау).

Жолдарды күтіп-ұстауға 310 арнайы техника мен 421 маман жұмылдырылған. Төтенше жағдайлар қызметі жүргізушілерге алыс сапарға шықпас бұрын ауа райы болжамын қадағалауды және қажетті қауіпсіздік шараларын сақтауды ескертеді.