ШҚО-да қар құрсауында қалған төрт адам құтқарылды

оның ішінде екі бала жақын маңдағы елді мекенге жеткізілді

Фото: © istockphoto.com

Шығыс Қазақстан облысында төтенше жағдайлар қызметінің мамандары қар құрсауында қалған төрт адамды құтқарды, деп хабарлайды Azattyq Rýhy ҚР ТЖМ баспасөз қызметіне сілтеме жасап.

Оқиға Мақаәкөл – Қарой тасжолының 35-шақырымында, Қарой ауылы маңында болды. Ауа райының қолайсыздығына байланысты жеңіл көлік жол жиегіне шығып кеткен.

«Оқиға орнына жеткен құтқарушылар төрт адамды, оның ішінде екі баланы, жақын маңдағы елді мекенге жеткізді. Зардап шеккендер медициналық көмекті қажет етпеді», – деп мәлімдеді ТЖМ қызметкерлері.

Төтенше жағдайлар министрлігі азаматтарға алыс сапарға шықпас бұрын ауа райы болжамын қадағалап, өздерімен бірге қажетті заттарды алуға кеңес береді.