Өскеменде ер адам көшеде есінен танып, көз жұмды (ВИДЕО)

Өскеменде дүкеннің кіреберісінде отырған ер адам кенеттен есінен танып, сол жерде қаза тапты, деп хабарлайды Azattyq Rýhy F16_kaz парақшасына сілтеме жасап.

Оқиға Белинский көшесіндегі дүкеннің кіреберісінде болған. Куәгерлердің айтуынша, ер адам бір орында шамамен бір сағаттай отырған, бастапқыда тірі болған. 

Алайда дүкен қызметкерлері мен өтіп бара жатқан адамдар оған мән бермеген.

Біраз уақыттан кейін ғана алаңдаушылық білдірген тұрғындар қасынан өтіп бара жатқан жедел жәрдем көлігін тоқтатқан, бірақ дәрігерлер ер адамның өмірін сақтап қала алмады.

Қазір оқиғаның мән-жайы анықталып жатыр.