Қазақстанның екі облысында тасжолдар жабылды

Қазақстанның екі облысында ауа райына байланысты тасжолдар жабылды, деп хабарлайды Azattyq Rýhy.

ҚР ТЖМ мәліметінше, ауа райының нашарлауына байланысты (қатты боран, көру мүмкiндiгiнiң шектелуi) республикалық маңызы бар 2 учаскесiнде жүк және қоғамдық автокөлiктер үшiн шектеу енгiзiлдi.

«Ақтөбе облысында «РФ шекарасы-Мартук-Актобе-Карабутак-Кызылорда-Шымкент-Тараз-Кордай-Алматы-Хоргос-КХР шекарасы» 776-1240 шақырымы, Ақтөбе қаласы – Қызылорда облысы.

Қызылорда облысы. «РФ шекарасы-Мартук-Актобе-Карабутак-Кызылорда-Шымкент-Тараз-Кордай-Алматы-Хоргос-гр.КХР» 1240-1362 шақырымы, Ақтөбе облысы – Арал қаласы», - делінген хабарламада.

ТЖМ қауіпсіздік шараларын сақтауға кеңес береді:

• Дауылды ескерту жариялаған кезде, әсіресе қараңғы уақытта алыс жерлерге сапарға шықпаңыз, сол сияқты жаяу жүрмеңіз.
• Ауа райы жағдайы мен автожолдардағы көлік қозғалысының шектеулері туралы ақпаратты назарда ұстаңыз.