Қазақстандық сноубордшы Қырғызстан тауларында көз жұмды

27 ақпанда Қаракөл базасындағы шаңғы трассасында оқыс оқиғадан 43 жастағы Қазақстан азаматы қаза тапты. Бұл туралы Azattyq Rýhy агенттігі 24.kg сайтына сілтеме жасап хабарлайды.

Ақпаратты Ыстықкөл облыстық ішкі істер департаментінің баспасөз қызметі растады.

Оқиға орнына жеткен жедел-тергеу тобының мәліметінше, турист сноубордта жүріп, досымен соқтығысқан. Алған жарақатынан ер адам оқиға орнында көз жұмды. Аталған факті Ақ-Су ІІБ-нің ақпараттық тіркеу журналына тіркелді.

Қазіргі уақытта барлық қажетті сараптама тағайындалып, оқиғаның мән-жайы анықталып жатыр.