Трамп әлеуметтік желілерді бақылайтын жарлыққа қол қойды
Ол қарым-қатынастың ең үлкен құралын ірі корпорация бақылағанына наразы
АҚШ президенті Дональд Трамп әлеуметтік желінің контентті редакциялауға наразылықтан қорғану мүмкіндігін алып тастайтын жарлыққа қол қойды, деп хабарлайды Azattyq Rýhy тілшісі РИА Новостиға сілтеме жасап.
«Аз ғана корпорациялардың адамзат қарым-қатынасының ең ірі саласын бақылауы Америка тарихында болмаған», - деді Трамп.
Ол әлеуметтік желілердегі жазбалардың шындыққа жанаспайтынын шешу, оны өзгерту немесе блоктау редакциялық саясат екенін, ал әлеуметтік желі баспагер ретінде қызмет ететінін айтты.
Естеріңізге сала кетсек, Трамп әлеуметтік желілер консерваторлардың дауысын өшіруді жалғастыра берсе, олардың жұмысын қатаң бақылауға алатынын айтқан еді. Twitter әлеуметтік желісінің жүйесі оның жазбаларының бірін өтірік деп санап, астына пайдаланушыларды пошта арқылы дауыс беру фактілерімен танысуға шақыратын ескерту белгісін қойған болатын.
