«Астана» мен «Барыстың» ойындары үшін Тұран мен Қабанбай батыр даңғылдарына шектеу енгізіледі

Елордада «Астана» мен «Барыстың» ойындары үшін Тұран мен Қабанбай батыр даңғылдарына шектеулер енгізілетін болды, деп хабарлайды Azattyq Rýhy.

Астанада алдағы сенбі, яғни 22 ақпанда екі ірі спорттық іс-шара өтеді: футболдан Қазақстан Суперкубогы үшін матч және «Барыс» ХК ойыны. Осыған байланысты жолдарда кептеліс жоғары болады деп күтіліп отыр. Сол себепті қала тұрғындарына ыңғайлы болу үшін жол қозғалысына уақытша өзгерістер енгізіледі, деп хабарлайды әкімдіктің ресми сайты.

«Қайрат» пен «Ақтөбе» футбол матчы «Астана Арена» стадионында сағат 15:00-де, «Барыс» ХК хоккей матчы «Барыс Арена» стадионында сағат 17:00-де өтеді.

«Көлік ағынын біркелкі бөлу үшін ареналарға кіру және шығу бойынша жеке маршруттар ұйымдастырылатын болады. Футбол матчының көрермендері үшін қозғалыс тек Қабанбай батыр даңғылы арқылы жүзеге асырылады. Ал хоккей матчының жанкүйерлері үшін тек Тұран даңғылы арқылы кіріп, шығуға болады.

Қозғалыс шектеулері матчтар басталғанға дейін бірнеше сағат бұрын енгізіледі және олар аяқталғанға дейін сақталады. Жүргізушілер қозғалыс бағытын алдын ала жоспарлауы керек. Қолайсыздық болмас үшін қоғамдық көлікке мінген.

Астана қаласының әкімдігі елорда тұрғындары мен қонақтарынан уақытша өзгерістерге түсіністікпен қарауды және қозғалыс бағытын алдын ала жоспарлауды сұрайды», - делінген әкімдік хабарламасында.