Тәрбиешісі баланы ұрып, тұншықтырған: балабақша тіркелмеген болып шықты

Алматыда бүлдіршінді тұншықтырып, өлтіріп қоя жаздаған жекеменшік балабақша мүлдем тіркелмеген болып шықты. Бұл туралы бүгін Алматы білім басқармасы мәлімдеді, деп хабарлайды Azattyq Rýhy.

Балабақшаның тіркелмегені туралы қалалық Білім басқармасы мәлімдеді.

Өз кезегінде қалалық Полиция департаменті оқиғаға қатысты қылмыстық іс қозғады.

«Бостандық ауданы полиция басқармасына қарасты полиция бөлімі кәмелетке толмаған баланы тәрбиелеу жөніндегі міндетін орындамау дерегі бойынша қылмыстық іс қозғады. Оқиғаның мән-жайы анықталып жатыр. Кінәлі адамдар Қазақстан Республикасының заңнамасына сәйкес жауапқа тартылады», – дейді қалалық ПД ресми өкілі Салтанат Әзірбек.