Әлем бойынша коронавирустан 350 мыңнан астам адам көз жұмды

28 мамырдағы жағдай бойынша, әлемде коронавирус жұқтырғандар саны 5 790 103 адамға жетті. Ал, қауіпті індеттен көз жұмғандардың саны - 357 432. КВИ жұқтырған 2 497 618 науқас сауығып шыққан.

Вирус жұқтырған науқастардың саны бойынша алдыңғы қатарда АҚШ (1 745 803 науқас), Бразилия (414 661 науқас), Ресейде (370 680 науқас), Испания (283 849 науқас) елдері тұр.

Дүниежүзілік денсаулық сақтау ұйымының мәліметінше, соңғы тәулікте Оңтүстік және Солтүстік Америка елдерінде коронавирус жұқтыру көрсеткіші күрт көбейген.