Тоқаев Иран халқын Ислам революциясы күнімен құттықтады

Тоқаев Иран президентіне құттықтау жолдады

Фото: Ақорда

Мемлекет басшысы Қасым-Жомарт Тоқаев Иран президенті Масуд Пезешкианға құттықтау жеделхатын жолдады. Бұл туралы Azattyq Rýhy Ақорданың баспасөз қызметіне сілтеме жасап хабарлайды.

Қасым-Жомарт Тоқаев Масуд Пезешкиан мен Иран халқын Ислам Революциясы күнімен құттықтады.

Жеделхатта Қазақстан президенті Иранның Таяу Шығыс өңірі мен ислам әлеміндегі іргесі берік, беделді мемлекет екенін атап өтті.

Сонымен қатар мемлекет басшысы екі ел арасындағы ынтымақтастықтың жылдан жылға нығайып келе жатқанына ризашылық білдірді.

Қасым-Жомарт Тоқаев Масуд Пезешкианның жауапты қызметіне табыс, ал Иран халқына өркендеу мен құт-береке тіледі.

Мақалада

#Қасым-Жомарт Тоқаев #ақорда #Иран #құттықтау

Алдыңғы жаңалық

Тарихи медаль: Қазақстан фристайл-акробатикадан Азия чемпионы атанды