Қазақстанның екі облысында жол қозғалысы шектелді

Қазақстанда ауа райының нашарлауына байланысты республикалық маңызы бар бірнеше автожолда көлік қозғалысы шектелді, деп хабарлайды Azattyq Rýhy «КазАвтоЖол» компаниясының мәліметіне сілтеме жасап.

Шектеу мына жолдарда енгізілді:

• Ақтөбе облысы:

Автожолдың «Ресей Федерациясының шекарасы – Ақтөбе – Қызылорда – Алматы – Қытай Халық Республикасының шекарасы» бөлігінде, 776-1240 шақырым аралығында (Ақтөбе қаласынан Қызылорда облысының шекарасына дейін).

• Қызылорда облысы:

Осы жолдың 1240-1362 шақырым аралығында (Ақтөбе облысының шекарасынан Арал қаласына дейін).

Жолдарды қайта ашу 2025 жылдың 8 ақпанында сағат 20:00-ге жоспарланған.

Шектеулер ауа райының қолайсыздығына байланысты енгізіліп отыр. Бұл шаралар жолдағы қауіпсіздікті қамтамасыз ету үшін қабылданған.