Түркістан облысында жүргізуші 7 пакет есірткі алып бара жатқан жерінен ұсталды

Оқиға Отырар ауданындағы Шәуілдер-Түркістан автожолында болған

Фото: Polisia.kz

Түркістан облысында ер адамға тиесілі көліктің салонынан 7 пакет есірткі табылды. Бұл туралы Azattyq Rýhy агенттігі Polisia.kz-ке сілтеме жасап хабарлайды.

Полиция мәліметінше, жедел-іздестіру барысында Түркістан облысында есірткі сақтап, тасымалдау фактісі анықталды.

Жедел уәкілдер Отырар ауданындағы Шәуілдер-Түркістан автожолында Шымкент қаласының тұрғыны басқарған Lada автокөлігін тоқтатты. Тексеру кезінде көліктің салонынан ішінде есірткі заты бар 7 пакет табылды. Алынған заттың жалпы салмағы шамамен 400 грамм марихуана болып шықты.

Қазіргі уақытта сотқа дейінгі тергеу амалдары жүргізіліп жатыр, оқиғаның барлық мән-жайы анықталады.

Мақалада

#Түркістан облысы #есірткі #полиция #есірткі саудасы #есірткімен күрес

Алдыңғы жаңалық

Астана мен Қарағанды облысында ауа райына байланысты тасжолдар жабылды