14 адамның 120 млн теңгесін алдап алып кеткен: Қарағандыда күдікті қолға түсті

Қарағандыда 14 адамның 120 млн теңгесін алдап алып кеткен күдікті қолға түсті, деп хабарлайды Azattyq Rýhy.

Облыстық ПД мәліметінше, қаланың 35 жастағы тұрғыны депозиттерден табыс тапқысы келіп, танысына сеніп, оған 19 миллион теңгеге жуық қомақты соманы берген. Дивидендтерді жылдар бойы күткен соң, үміті ақталмаған. Екі жылдан астам уақыт өткеннен кейін ол өзінің қателігін түсініп, полицияға жүгінген соң мұндай жағдайға тап болған жалғыз адам емес екенін білді.

Сол күні Михайлов полиция бөлімінің тергеу бөлімшесінде алаяқтық әрекеттен зардап шеккен үш жәбірленушінің де арызы қабылданды.

«Полицейлер 39 жастағы қарағандылық жалған банкирге қатысты қылмыстық іс қозғап, тергеу мерзіміне оны қамауға алды.

Қазіргі уақытта тергеушілер шамамен 120 миллион теңгені құрайтын 14 алаяқтық фактісін анықтады.

Сотқа дейінгі тергеу аясында полицейлер күдіктінің осыған ұқсас басқа қылмыстарға қатысы бар-жоғын анықтап жатыр», - делінген ПД хабарламасында.